BAGUIO CITY – Nailista ti 41 a power interruptions iti rehion Cordillera gapu iti epekto ti bagyo a Ulysses.

Maibasar iti kaudian a report ti Office of Civil Defense – Cordillera, uppat a lugar ti naisublin ti suplay ti kuryente dagitoy.

-- Advertisement --

sigun met iti Benguet Electric Cooperative, 10 a feeders daytoy ti naapektaran a nangitunda iti panakapukaw ti kuryente iti adu a paset ti Baguio idi kalman.

Maibasar iti report ti kooperatiba, adda dagiti feeders a naisimpan bayat nga adda pay laeng dagiti madaldalusan gapu kadagiti sangsanga ken natumba a kaykayo.

Karaman pay a naapektaran ti pito a Supplying Circuits ti NGCP.

Dakkel met a paset ti Benguet ti napukawan ti kuryente gapu iti system trouble ti National Grid Corporation of the Philippines.