-- ADVERTISEMENT --

BAGUIO CITY – Pimmusay ti tallo nga ubbing kalpasan a nairaman dagitoy iti panakagabur ti pagtaenganda sadiay Purok Ubbog, Sitio Central, Ambiong, La Trinidad, Benguet idi rabii iti agarup alas-siete.

Iti panakiuman ti Bombo Radyo Baguio kenni Ambiong Punong Barangay Anthony Aniban, mangmangan dagiti tallo ken dagiti nagannakda idi killaat a nagaburan ti balayda iti nargaay a bato ken pitak.

Kinunana a napandagan dagiti ubbing kadagiti naguyas a bato ken pitak.

Na-rescue dagitoy ken naitaray dagiti ubbing iti ospital ngem naideklara dagitoy a dead on arrival.

Dagiti ubbing ket 2-anyos a babai, 6-anyos a babai ken 8-anyos a lalaki ken addan ti bangkayda iti simbaan sadiay para iti panakalamay dagitoy.

-- ADVERTISEMENT --

Natalged met ti kasasaad dagiti nagannak dagitoy a nabigbig a da Stephanie ken Romnick Teligo.

Naamuan a naaramid iti light materials ti kalapaw a balay dagitoy ken landslide-prone area ti nasao a disso.