-- ADVERTISEMENT --

BAGUIO CITY – Naiturong iti kustodiya ti La Trinidad Municipal Police Station ti tallo nga indibidual kalpasan a nagpositiboda iti iligal a droga.

Kasaruno daytoy ti random drug testing nga impatungpal dagiti otoridad babaen iti Oplan Tugis Kalsada Kontra illegal na Droga sadiay Benguet Agri-pinoy Trading Center (BAPTC) sadiay La Trinidad, Benguet itay laeng agsapa.

Sigun kadagiti otoridad, dagiti nasao nga indibidual ket tubo manipud Mankayan, Kapangan ken Tarlac.

Maibasar iti imbestigasyon, pinasardeng dagiti otoridad ti lugan dagiti nasao nga indibidual no sadino kabayatan ti panakiyumanda kadagitoy ket saan nga umno ti sungbatda kadagiti otoridad a nangitunda iti panakaipaisidongda iti drug test.

Ditoy a naduktalan a positibo dagiti tallo nga indibidual iti iligal a droga rason iti pannakakumpiskar dagiti lisensia ken ti Certificate of Registration tiluganda.

-- ADVERTISEMENT --

Maipasidong pay iti confirmatory test dagiti resulta ti drug test para iti umno a disposisyon ti kaso kontra kadagiti nasao nga indibidual.

Ti nasao nga operasyon ket resulta ti bballigi a joint inspection LTO, HPG, PDEA ken La Trinidad MPS kas maitunos iti RA 10586 wenno ti Anti-Drunk and Drugged Driving Act of 2013.

Panggep daytoy ti mangipanamnama iti kinatalged dagiti kalsada manipud kadagiti drivers a positibo iti iligal a droga.//cgd