-- ADVERTISEMENT --

BAGUIO CITY – Naituding a gatangen ti lokal a gobierno ti siudad ti 250 a tanke ti oxygen kas panagsagana ti siudad iti posibilidad ti iseserrek ti delta variant ti COVID19 iti lokalidad.

Imbinglay daytoy ni City Administrator Eng. Bonifacio dela Peña iti panakiyuman ti Bombo Radyo Baguio no sadinno kinunana nga inaprubaran pay ti lokal a konseho ti P10-M a pondo para iti pannakagatang ti agas nga Remdisivir ken dadduma pay nga agas kontra iti COVID-19 ken variants daytoy.

Malaksid iti daytoy, maisagsagana ti P30-M a pondo para iti kanayunan nga isolation beds a partikular a mainayon iti sigud a Sto. Nino Hospital malaksid pay kadagiti nai-renew nga hotels wenno sigud nga isolation facilities manipod kadagiti pribado nga kompanya.

Iti agdama ket high risk kenj dumanon iti 80-90% a capacity dagiti ospital iti siudad ti maar-aramat gaputa maak-akomodar dagiti pasiente iti nagduduma a lugar.

Kabayatanna, guyguyuguyenna dagiti saan pay a nagpabakuna kontra COVID-19 kasaruno ti panagsangpet ti 2,500 doses ti Sinovac vaccine a maipaay iti amin a kategorya.

-- ADVERTISEMENT --

Manarimaan met ti panangipaay ti Janssen Vaccine kadagiti A2 ken A3 category a buklen dagiti senior citizen ken addaan iti commorbidities nu sadinno adda pay dagiti walo a teams a mangipatpatungpal iti house to house vaccination kadagitoy.