-- ADVERTISEMENT --

BAGUIO CITY – Kinemmeg dagiti pulis ken anti-illegal drug enforcers ti Kalinga ti dua a drug personalities sadiay Abad Santos Street, Laya East, Tabuk City, Kalinga idi agsapa ti Sabado, September 7.

Nabigbig dagiti dua a da Reynaldo Esguerra, 54-anyos ken Lalaine Guidangen, 32-anyos, live-in partners, residenteda ti nasao a lugar ken agpadada a Street Level Target ti Kalinga Police Provincial Office.

Inyemplementar dagiti otoridad ti search warrant para iti panaglabsing dagiti dua iti R.A. 9165 ken R.A. 10591.

Nagresulta ti operasyon iti panakakumpiskar ti maysa a pakete ti maatap a shabu ken dua a bala ti caliber 45.

Sumangsangon dagiti dua iti kaskenan a kaso partikular ti panaglabsing iti RA 9165 wenno Comprehensive Dangerous Drugs Act of 2002 ken RA 10591 wenno Comprehensive Firearms and Ammunition Regulation Act.

-- ADVERTISEMENT --