photo | Philippine Military Academy “Face-Bok”

BAGUIO CITY – Dumanon iti 18 a kadete ti Philippine Military Academy (PMA) manipud iti Cordillera Region ti nagturpos iti akademya idi kalman.

Karaman dagitoy kadagiti 164 a kadete a nangbukel iti PMA MAndirigmang SAmahan na Lakas at SandIGAN ng Bayan (MASALIGAN) Class of 2021, no sadino, dua kadagiti nasao a Cordillerans ti karaman iti Top 10 ti klase ken maysa ti awardee iti athletics.

-- Advertisement --

Nagturpos ni Cadet First Class Valerie Mae Vicente Dicang manipud Bahong, La Trinidad, Benguet iti maikatlo a pwesto ken naawatna ti Secretary of National Defense Saber.

Nagturpos met ni Cadet First Class Michael Angelo Ariola Madriaga manipud Laya East, Tabuk City, Kalinga iti maikasiyam a pwesto.

Naawat met ni Cadet First Class Jaevin Awingan Latugan manipud Lubo, Tanudan, Kalinga ti Athletic Saber Award iti male category.

Karaman pay kadagiti Cordillerans a nagturpos iti PMA MASALIGAN Class of 2021 da Cadet 1CL Archie Boy Semini Andres, Cadet 1CL Kean Bill Aplaten Andres, Cadet 1CL Mathew Vincent Gerardo Loyao, Cadet 1CL Michael Kenneth Cascolan Brillantes ken Cadet 1CL John Paul Villanueva Laquidan manipud Baguio City; ni Cadet 1CL Newton Jay Ulidan Ubaldo manipud Cabatacan, Pudtol, Apayao; ni Cadet 1CL John John Pangosban Sanchez manipud Tabuk City, Kalinga; da Cadet 1CL Elvert Bugnosen Lucas, Cadet 1CL Renato Fanao Fatawil, Cadet 1CL Christian James Pagiyen Moling ken Cadet 1CL Clinton Paleyan Nadcop manipud Mountain Province; ni Cadet 1CL Gian Franco Buminaang Dumelod manipud Alfonso Lista, Ifugao; ken da Cadet 1CL Rogel Martin Poda-an ken Cadet 1CL Reeven Jose Teofilo manipud Benguet.

Naamuan a dagiti nasao a kadete manipud Cordillera ti nangbukel iti kaaduan a bilang dagiti kadete a nagtaud iti maysa a rehion iti klase dagitoy.