BAGUIO CITY – Nangrugin ti panakaiwaras ti Jansenn COVID-19 vaccine a naawat ti provincial government ti Kalinga.

Sigun kenni Dionica Alyssa Mercado, Public Information Officer ti provincial government ti Kalinga, 15,000 a doses ti bakuna nga inaramid ti pharmaceutical company a Johnson & Johnson.

-- Advertisement --

Kinunana a nairanta ti nasao a bakuna para kadagiti priority groups nga A2 wenno senior citizens ken A3 wenno persons with co-morbidity, nangruna dagiti adda kadagiti Geographically Isolated and Disadvantaged Areas sadiay Kalinga.

Naamuan kenkuana a ti Jansenn vaccine ti maikatlo a klase ti bakuna a naawat ti Kalinga kasaruno ti naawatda a bakuna ti Sinovac ken AstraZeneca.

Innayonna a kasapulan a maibakuna a dagus dagiti naawatda a Jansenn vaccine iti uneg ti innem nga aldaw kas maitunos iti pagalagadan iti panaka-aramat ti nasao a bakuna.

Maikalkalikagum laeng ti panangiparang dagiti kwalipikado ken interesado nga indibidual iti valid ID dagitoy a pakakitaan ti aldaw ti nakaipasngayanda para iti beripikasyon.