-- ADVERTISEMENT --

BAGUIO CITY – Nakaturpos ti 150 a mannalon iti School-on-Air (SOA) Program on Agroforestry ti Department of Agriculture (DA) – Cordillera.

Sigun iti ahensia, manipud iti nasao a bilang ket 51 ti babai ken 99 ti lalaki ken dagitoy ket nagtaud sadiay Apayao, ken nagduduma nga ili ti Kalinga.

Naisuro kadagiti mannalon dagiti topiko mainaig iti agroforestry a pakairamanan dagiti baro a teknolohia para iti agricultural land a mangitandudo iti pannakaipreserba ti aglawlaw.

Sigun iti Top 1 Performing SOA graduate a ni Crispin Gayagay manipud Tabuk City, dakkel itan ti gundawayda nga agbalin a competitive iti sektor ti agrikultura.

Impanamnamana nga ibinglayda kadagiti padada a mannalon dagiti nasursuroda tapno agpapada dagitoy nga agnumar iti programa ti Department of Agriculture.

-- ADVERTISEMENT --

Ipatpatungpal ti DA-Cordillera ti SOA Program babaen iti pannakitinnulong ti lokal a gobierno ken ti Kalinga State University tapno matulungan dagiti mannalon a makaadal kadagiti baro nga estratehiya.