-- ADVERTISEMENT --

BAGUIO CITY – Opisyalen nga inawat ti Baguio City Police Office (BCPO) dagiti 120 a baro Patrolman ken Patrolwoman a kanayonan a pwersa ti pulisya nga agpatrolya kadagiti kalkalsada ti siudad tapnu maprebentaran ti kriminalidad ken maital-o ti kinatalged ti publiko.

Naamuan a dagiti nasao a baro a pulis ket katurturposda laeng iti Public Safety Field Training Program a nakapapintasan ti abilidad dagitoy iti tay-ak ti imbestigasyon, panangimaton ti trapiko ken panagpatrolya.

Namnamaen met ni PCol. Allen Rae Co, dadaulo ti BCPO nga agtungpal dagiti baro a miembro ti pwersa ti pulisya iti Baguio iti nangato nga standards ti professionalism iti panangipaayda ti serbisyo kadagiti residente ti siudad.

Namnamaenda pay nga ipakita dagiti baro a pulis ti siudad ti kangatuan a lebel ti disiplina ken kinaraem a pakabigbigbigan dagiti Cordilleran Police.

-- ADVERTISEMENT --