Iba’t ibang Police Regional Offices (PRO) sa buong bansa ang nagpahayag ng kanilang “statement of support” para sa bagong Acting Philippine National Police (PNP) Chief, Police Lieutenant General Jose Melencio Nartatez Jr.
Sa kanilang mga pahayag, ipinaabot ng iba’t ibang Police Regional Office ang kanilang mainit na pagbati kay Police Lieutenant General Nartatez.
Tiniyak din nila ang kanilang lubos at walang pag-aalinlangang suporta sa kanyang pamumuno bilang pinuno ng Pambansang Pulisya.
Layunin nilang sama-samang palakasin ang kampanya laban sa kriminalidad sa lahat ng antas, sugpuin ang katiwalian sa loob at labas ng organisasyon, at labanan ang terorismo na nagbabanta sa seguridad ng bansa.
Ang kanilang pagkakaisa ay naglalayong maging mas epektibo ang PNP sa pagpapanatili ng kaayusan at kapayapaan.
Samantala, kinilala at pinasalamatan naman ng mga PRO ang naging pamumuno ni Police General Nicolas Torre III.
Nagpasalamat sila sa mga repormang ipinatupad nito sa Philippine National Police, na naglalayong pagbutihin ang serbisyo at integridad ng organisasyon.
Ang mga repormang ito ay nagbigay daan para sa isang mas epektibo at responsableng kapulisan.
