Tatlo ka mga persona ang pilason matapos makabunggo sa puno sang kahoy ang Ford Everest nga ila ginasakyan sa Circumferential Road, DoƱa Juliana, Barangay Taculing, Bacolod City kagab-i.

Suno kay JB Guillen, saksi sa aksidente, papauli na sila sang iya live in partner sang nakabati sila sang igot sang royda sang salakyan tuga sang hinali nga pagpreno antes naglagabong.

Sang nagbalikid ang mga ini, ila nakita nga nakabunggo na ang salakyan sa puno sang kahoy.

Gilayon man nga may nagresponde kag nagtawag sang rescue agud nga madapatan sang first aid ang mga biktima kag gindala man sa ospital para sa dugang nga pagbulong.

Ginbuligan man ni Guillen nga makapanaog sa salakyan ang mga biktima agud makagwa kag mahatagan sang first aid sang mga rescuer nga nag-abot.

Suno kay Guillen, mahimo nga nakibot ang driver sang salakyan bangud nga nakapreno pa ini antes nga makabunggo.

Wala naman sang iban nga mga nagabiyahe ang nadalahig sa nagluntad nga aksidente.