Ginkumpirmar ni Governor Eugenio Jose “Bong” Lacson nga lunsay pabor ang tanan nga mga alkalde sa probinsya sang Negros Occidental nga sayluhon ang provincial capitol offices sa ciudad sang Talisay.

Sa interview sang Bombo Radyo kay Lacson, ginpahayag sini nga sa ginpatigayon nga meeting kaupod ang mga alkalde sa Negros Occidental, nalakip sa ila agenda ang pagtransfer sag Provincial Capitol Building sa Talisay City.

Suno diri, nagakomporme ang tanan nag mag local chief executives sa nasambit nga tikang.

Suno sa iya, igapasa pa ini sa Sangguniang Panlalawigan kag kun yara na sa SP, magapatigayon sang public hearing.

Ginpakigbahin man sang gobernador ang ila nahisugtan nag ipabilin nga sirado ang borders sang Negros Occidental sa Negros Oriental bangud sa nagasaka nga kaso sang COVID-19 diri sa probinsya.

Suno kay Lacson, mas maayo kun indi anay pagbuksan ang border bangud may mga persona nagikan sa Cebu nga nagalabay sa Oriental kag indi nila mamonitor.