Ginkumpirmar ni Bacolod City Lone District Congressman Greg Gasataya nga magapadulong sa ciudad sang Bacolod si Sen. Manny Pacquiao agud maglantaw sang hampang sang Maharlika Pilipinas Basketball League (MPBL) nga hiwaton sa University of St. La Salle buwas sa gab-i, Setyembre 21.

Nahibaluan nga apat ka mga teams ang magasambuwa lakip na ang team sang Bacolod nga makaaway ang team sang Soccsksargen samtang magakitaay naman sa basketball court ang team sang Davao kag ang team sang Basilan.

Nagapangabay si Gasataya sa mga BacoleƱo nga suportahan ang team sang ciudad sa ila hampang sa maabot nga Sabado.

Nahibaluan nga ang MPBL ang gintukod ni Pacquiao sadtong Agosto 29, 2017 kun sa diin may yara ini sang 31 tanan ka mga teams nga nagapasakop.

Sini lamang nga tuig sang nag-intra ang Bacolod sa nasambit nga regional men’s semi-professional basketball league.