Yara lamang sa 12 tubtub 15 pesos kada kilo ang presyo sang humay sa probinsya sang Negros Occidental subong nga nagsugod na ang tag-alani.

Sa interview sang Bombo Radyo kay Negros Occidental Provincial Agriculturist Atty. Japhet Masculino, may duha ka mga rason nga nagaimpluwensya sa pagnubo sang presyo sang humay.

Ang tag-alani kag ang pagdamo sang supply sang humay ang mga rason sang pagnubo sang pagbakal sini.

Suno kay Masculino, santo sa monitoring sang OPA, ang humay ang ginabakal nakadepende sa variety sini.

Ang humay nga matig-a ang sarang mabakal sa P12.00 kada kilo apang ang mahumok ang sarang mabakal sa P15.00 kada kilo.

Ginalantaw man sini nga padayunon sang gobernnador ang pagpamakal sang humay sang mga mangunguma sa probinsya.

Suno kay Masculino, nagapadayon ang pagpamakal sang National Food Authority sang humay.

Ginpahayag man ni Masculino nga nagpangayo man sang bulig ang NFA bangud ginakulang sila sang truck nga magkarga sang ginpamakal nga humay kag ginadihon naman sang opisina sang provincial agriculturist ang pagpagamit sang dump truck sang probinsya.

Nagalaom man ini nga mahatagan man sang pondo sa idalom sang Rice Competitiveness Enhancement Fund (RCEF) agud mabakal man sang probinsya ang kinahanglanon para sa programa para sa mga mangunguma.

Nasubuan man ini bangud sa pagbakal sang humay.

Nagpanawagan man ini sa mga traders nga indi man pagbaklon ang humay sa tuman kanubo nga presyo.

Ginpahayag ni Masculino nga indi regulated ang presyo sang humay sa merkado.