Ginkompirmar sang obispo sang Diocese of San Carlos nga indi na madayon ang pagpatukod sang coal-fired power plant sa syudad sang San Carlos.

Sa interview sang Bombo Radyo Bacolod kay Bishop Gerardo Alminaza, ginpahayag sini nga opisyal na nga naghambal ang proponent sa iya kag sa grupo nga ang San Miguel Corporation ang indi na magdayon sa pagpatukod sang coal-fired power plant bangud na-acknowledge na nila sa karun nga ang coal ang indi na buyable ukon madahog.

Samtang, ginpahayag man sini nga ang apat ka diocese sa probinsya sang Negros Occidental ang nagaengganyo sa ila mga tumuluo nga maggamit sang solar energy.

Madumduman nga madugay na nga ginapamatukan sang mga pumuluyo ang pagpatukod sang nasambit nga power plant.

Nag-issue man sadto si anay Gov. Alfredo MaraƱon Jr. sang March 7, 2019 sang executive order nga nagadeklarar nga coal-free province ang Negros Occidental.