-- ADVERTISEMENT --

Tubtob sa karun wala pa sang ginadampigan nga partikular nga presidential candidate ang mga local party sa probinsya nga LOVE NEGROS kag UNEGA.

Suno kay Negros Occidental Governor Eugenio Jose “Bong” Lacson, challenging sa karun para sa ila ang pagpili sang kandidato bangod sa madumduman may yara na sa 12 ka opisyales sa probinsya ang una nga nagcommit nga magasuporta sa Presidential bid ni Davao City Mayor Sara Duterte, apang ini ang nagpanaog sa pagpapili bilang bise presidente gani mahimo nga maglain man ang ila mangin desisyon.

Sa karun duha palang ka mga presidential aspirants ang nakabisita sa Negros Occidental Provincial Capitol nga ginalakipan nanday Vice President Leni Robredo kasubong man ni Senator Panfilo “Ping” Lacson.

Suno kay Lacson, tuman ka entertaining ang sa karun nga National Election kag dapat nga I-enjoy nalang ang masunod pa nga mga hitabo.

Suno sa gobernador, mas maayo nga obserbahan nalang kun sin-o sa mga presidentiables ang magprograma nga makita makabenepisyo sa general public.

-- ADVERTISEMENT --

Ilabi na sa bahin sang Negros Occidental nga luyag na nga mabalik ang Negros Island Region, gani pagalantawon man nila kun sin-o sa mga kandidato ang may programa maykaangtanan diri.

Wala naman sang kapuslanan suno kay Lacson ang pag-ilinaway sang iban nga supporters bangod sa kandidato bangod makaligad sang May 9 elections, magabalik naman sa normal nga pagsinalayo ang mga pumuluyo, gani indi na dapat ini himuon nga personal sang mga supporters.

Paathag sini nga nakadepende na ini kun sin-o ang ginasaligan sang indibidwal kag wala na sang makakwestyon sa tagsa ka desisyon.