Arestado ang isa ka high-value individual sa buybust operation nga ginpatigayon sa Severino St., Brgy. 2, Silay City nagligad nga Setyembre 21.

Ginkilala ang suspetsado kay Jay-R Roa, 32-anyos kag residente sang Sitio Paradise, Brgy. Rizal sa amo gihapon nga ciudad.

photo

Sa interview sang Bombo Radyo Bacolod kay P/Major Rollie Pondevilla, hepe sang Silay City Police Station, nadakpan na sadto si Roa bangud man sa kaangtanan sa iligal nga druga apang naka-avail sang plea bargaining agreement.

Dugang pa ni Pondevilla nga ginapahayag isa ini sa mga tinawo ni Michael Divinagracia.

Nakuha sa possession kag kontrol sang suspetsado ang anom tanan ka sachet sang suspected shabu lakip na ang buybust item nga nagabug-at sang walo ka gramos kag nagabalor sang P54,400.

Sa karon, nakahunong na sa custodial facility sang Silay City Police Station si Roa kag natalana nga pasakaan sang kaso sa pagbayolar sa RA 9165 ukon Comprehensive Dangerous Drugs Act of 2002.