Paspasi na ang pagbakal sang mga proof of purchase nga imo magamit agud makahulog sang entries sa ENHANCED SWERTE SA PALENGKE 2020 sang STAR FM at BOMBO RADYO “Todo Panalong Balde-baldeng Papremyo Na May Cash Pa!”.

Kahapon, ginlunsyar na ang ikaduha nga promo sang Bombo Radyo para sa subong nga tuig.

May yara sang P5.5milyon nga total prizes nationwide.

Sarang nga madag-an sa grand draw sa kabug-usan nga 24 key cities nationwide ang first prize nga P20,000; second prize nga P10,000; third prize nga P5,000 samtang lima ang mahimo nga magadaog sang consolation prize nga tag-P2,000.

Samtang sa weekly draw naman nga pagatigayunon kada Sabado alas 03:00 ang takna sa hapon, ang nagapasakop sa promo ang makadaug sang P5,000 cash kag gift pack sa first prize; P4,000 kag gift pack sa second prize; kag P3000 kag gift pack sa third prize.

Agud nga makapasakop, ang mga pumalasakop ang nagakadapat nga magbutang sang ila Proof of Purchase (POP) sa sulod sang puti nga envelope ukon sobre.

Sa gwa sang sobre, sulatan sang NGALAN, EDAD, KUMPLETO NGA ADDRESS, TELEPHONE NUMBER, WEEK NUMBER, NGALAN SANG PROOF OF PURCHASE (POP) kag PIRMA.

Kinahanglan man nga isulat ang promo title, station kag address sang station sa idalum nga bahin sang sobre.

Ang mga Proof of Purchase nga pwedi gamiton nga entries ang ginalakipan sang isa ka bottle cap in any size sang Alfonso Light Brandy Solera, Zero Reserba kag platinum ang equivalent sang isa entry; Isa (1) ka Sticker ukon Coupon sang OROCAN nga may napagkit nga bisan ano lang ukon tanan nga Bombo Promo titles equivalent na sa isa ka entry; subong man ang isa ka empty sachet ukon stand-up pouch ukon paper label at least ¾ whole sang Silver Swan Suking Puti kag Silver Swan Soy Sauce ukon isa 8 gram empty sachet sang Silver Swan Wow Sarap ukon isa ka 4 gram empty sachet sang Silver Swan Wow Sarap All-in-One Seasoning.

Sarang man magamit ang isa (1) ka coupon para sa kada P100 nga balor sang pagbakal sang Alahas, Relo ukon Pawned item ang equivalent na sa isa ka entry sang R. FLORETE PAWNSHOP & JEWELRY; subong man ang isa ka empty box sang lifebouy antibacterial soap in any variant; duha ka empty sachet ukon stand-up pouch ukon paper label (at least ¾ whole) ukon isa ka 8 grams empty sachet, isa ka empty box sang Tolak Angin Care; kag isa (1) ka empty blister pad ukon banig sang Panyawan Luyang Dilaw + Mangosteen + Makabuhay Food Supplement Capsule ukon Panyawan Banaba + Garlic + Makabuhay Food Supplement Capsule sang PANYAWAN.

Ang mga entries ang mahimo nga i-hand-carry ukon idul-ong diri sa Bombo Radyo ukon ihulog sa mga drop boxes.