Gin-athag ni Philippine Drug Enforcement Agency (PDEA) Negros Occidental Officer Agent Nicholas Gomez posible nga naga-lie low lang ang mga drug lords sa Region 6 ilabi na sa probinsya rason kun ngaa wala pa sila sang may nagakamonitor.

Sa interview sang Bombo Radyo kay Gomez, ginpahayag sini nga santo sa statement sang PDEA Region 6, naclear na ang mga drug lord ukon noted personalities apang indi gihapon mahambal nga wala na ang mga ini bangud posible nga inactive lang sila sa karun.

Suno sa iya, isa sa mga rason amo ang pandemic subong man ang intensified operations ang PDEA kag mga kapulisan.

Suno diri, nagapadayon pa ang ila harmonization of data kaupod ang Philippine National Police.

Gindugang man sini nga indi mahambal nga wala na sang drug lords sa rehiyon bangud posible nga nag-lie low lang sila apang sa ila monitoring sa karun, wala sila naga-engage sa mga ilegal nga aktibidad.