-- ADVERTISEMENT --

Ginkumpirmar ni Atty. Gaudioso Geduspan, assistant regional director sang Land Transportation Office 6 nga ginrelieve bilang assistant regional director si Engr. Arturo Apolinar matapos ang ginaalegar paglapas sini sa traffic rules kag “beating the read light”.

Sa interview sang Bombo Radyo kay Geduspan, ginpahayag sini nga ginpapanaugan na sang order nga irelieve sa pwesto si Apolinar.

Suno sa iya, wala pa nahibaluan kun diin ini iga-assign.

Suno diri, indi man ini makaapekto sa ila opisina bangud tatlo ang nagapungko sa karun nga director gani wala man sang dako gid nga pagbag-o kadungan sang nasambit nga mando.

Wala pa man ini personal nga nakaistorya kay Apolinar tuhoy sa insidente.

-- ADVERTISEMENT --

Apisar sini wala pa niya ginahambal nga may sala gid man si Apolinar bangud wala pa sini nabatian ang iya bahin, apang ginpahayag ni Geduspan nga ini ang nagapakita lamang nga wala sang may mas taas sa layi kag wala gid ginatolerar ang pag-abuso.