Tuman kahawan sang mga dalanon sa ciudad sang Bacolod sa una nga adlaw sang implementasyon sang enhanced community quarantine agud matapna ang paglapta sang coronavirus disease.

Sa paglibot sang Bombo News Team halin kaina sang aga, diutay lamang ang pribado nga mga salakyan nga nagabiyahe.

photo by bombo news team

Nahibaluan nga bangud sa ECQ, suspendido ang byahe sang public transportation samtang ang sarang lamang nga makagwa sa ila balay ang miyembro sang pamilya nga gin-isyuhan sang home quarantine pass kag dapat nga pagkaon ukon iban nga importante nga kinahanglanon ang iya baklon.

May yara naman sang mga shuttle bus nga nagabyahe kag ini ang ginkuha sang city government.

May yara sang pito tanan ka mga ruta ang mga shuttle bus nga magadul-ong sa mga medical kag essential workers sa ila mga ulubrahan.

Mahimo man diri makasakay ang mga pumuluyo basta may yara lang sila sang ipakita nga home quarantine pass.

Ang bus ang indi makapick up ukon makapapanaog sang mga pasahero kundi sa tagsa gid lamang ka point of origin kag point of destination.

Wala sang bayad ang pagsakay sa shuttle bus kag nagapatuman man sang social distancing ang mga pasahero sa sulod sang bus.

Ang bus nga nagahalin sa barangay hall sang Barangay Granada ang nagadulog sa Bangga Bagul, Metro Bacolod Hospital, McDonalds East, Burgos Public Makrte, CL Montelibano Memorial Regional Hospital., Central Market kag Cathedral.

Ang bus naman nga nagikan sa Cathedral ang nagadulog sa Central Market, CL Montelibano Memorial Regional Hospital, Burgos Public Market, McDonalds East, Metro Bacolod Hospital, Bangga Bagul kag Barangay Hall sang Barangay Granada.

May yara man sang buses nga nagikan sa Barangay Hall sang Handumanan pabalik; Bata Bangga Sawmill; Puno Banago; sa tabok sang Mansilingan Church; Estefania Savemore; kag Sum-ag Barangay Hall.