Nagapanguna ang Barangay Taculing sa may pinakamadamo nga numero sang mga kaso sang coronavirus disease sa ciudad sang Bacolod.

Sa impormasyon nga ginpagwa sang Bacolod City Government, santo sa Barangay Daily Trend nga napetsahan Setyembre 9 tubtob Setyembre 22, 2020, nakarekord sang 111 ka mga infections ang Barangay Taculing.

photo from Bacolod PIO

Ginsundan ini sang Singcang Airport nga may 95; Villamonte nga may 88; Granada nga may 71; Alijis nga may 69; Estefania nga may 61; Brgy. Bata nga may 59; Tangub nga may 57; Mansilingan nga may 49; kag Brgy. Banago nga may 38.

Ika-11 naman sa listahan sang may pinakamadamo nga infections sa Bacolod ang Barangay Mandalagan, Vista Alegre kag Pahanocoy nga lunsay may tag 29 ka mga kaso; Barangay Sum-ag nga may 25; Barangay 35 nga may 23; Barangay 1 nga may 22; Handumanan nga may 21; Barangay 7 nga may 19; Barangay 40 nga may 16; kag Barangay 28 nga may 11.

Sa latest nga data, ang ciudad sang Bacolod ang nakarecord na sang kabug-usan nga 3,360 ka mga kaso kun sa diin 245 diri ang nagikan sa mga returning overseas Filipinos, locally stranded individuals kag authorized persons outside residence samtang 3,115 naman ang local cases.

Sa kabug-usan nga infections, 1,166 ang aktibo; 1,888 ang nag-alayo kag 61 ang nagkalamatay.