-- ADVERTISEMENT --

Nagapanindugan ang executive director sang Bacolod Emergency Operations Center nga indi nila pag-aprubahan ang request sang tatlo ka mga local government units sang probinsya nga iquarantine sa isolation hotel sang ciudad ang tatlo ka mga foreigners nagikan sa Southern Africa nga nakasulod sa Bacolod-Silay Airport sang Biyernes.

Nahibaluan nga tatlo ka mga consultants nga nagatrabaho sa Bio-Power ukon sa planta sang Renewable Energy sa Negros Occidental ang mga byahero nga nag-abot sa probinsya.

Suno kay EOC Executive Director Em Ang, pagsulod sang mga ini sa Bacolod-Silay Airport, nagdiretso na sila sa tagsa-tagsa ka mga local government units partikular na sa Manapla, La Carlota kag Calatrava.

Suno kay Ang, Lunes sang gab-i sang nagcoordinate ang mga LGUs sa temporary treatment facilities sang ciudad.

Nanawag si City Health Officer Dr. Edwin Miraflor kay Ang kag matapos ang ila pagdiskusyon, nadesisyunan sang mga ini nga indi na pagpabyahe-on ang mga foreigners bangud nakaquarantine naman sila.

-- ADVERTISEMENT --

Suno kay Ang, ang quarantine ang para sa infection control gani indi na sila dapat pa pagpabyahe-on agud malikawan man ang pagdamo sang close contacts.

Suno diri, wala man sila sang purpose diri sa Bacolod kag indi man sini gusto nga mabasulan kun indi nila pag-istriktuhon ang protocols.

Gindugang man sini nga dapat maghalong kag unahon ang safety sa tanan nga tion.