-- ADVERTISEMENT --

123 ang panibag-o nga nagdugang sa kaso sang COVID-19 sa probinsya sang Negros Occidental kahapon samtang 46 naman ang nagdugang nga kaso sa syudad sang Bacolod.

Sa COVID-19 Regional Case Bulletin No. 574 nga ginpagwa sang Department of Health Center for Health Development-Western Visayas, nadugangan sang 288 ang kaso sa Region 6.

Sa nasambit nga numero duha diri ang nagikan sa Aklan; lima sa Antique; 28 sa Capiz; lima sa Guimaras; 61 sa Iloilo; 123 sa Negros Occidental; 46 sa Bacolod City kag 18 ang nadugang sa Iloilo City.

Bangud diri, nagdangat na sa 140,753 ang kabug-usan nga kaso sang COVID-19 sa Western Visayas kun sa diin nadugangan sang 363 ang mga nag-alayo sa balatian gani yara na ang kabug-usan nga recoveries sa 125,841 samtang nagdangat naman sa 3,351 ang death toll matapos madugangan sang 14 ang mga nagtaliwan bangod sa virus.

Sa karun may yara sang 1,697 ka mga active cases sa Bacolod samtang 4,414 naman ang aktibo nga mga kaso sa Negros Occidental.

-- ADVERTISEMENT --