Patay ang 42 anyos nga babayi nga nagamaneho sang motorsiklo matapos mabungguan sang wing van sa access road nga sakop sang Brgy. Bagtic, Silay City, Negros Occidental kagab-i.

Ginkilala ang biktima kay Mirasol Wayong, residente sang Hacienda Malisbog, Barangay E. Lopez, Silay City.

Santo sa inisyal nga imbestigasyon, nagamaneho si Wayong sang iya nga motorsiklo nga Honda XRM, nagikan sa west padulong sa east ukon pabukid nga direksyon samtang nagikan naman sa norte padulong sa sur ang wing van sang ini ang nabungguan.

Ginlapak pa ang biktima nga nagresulta sang gilayon nga kamatayon.

Nakapalagyo naman ang suspek matapos sa aksidente.