-- ADVERTISEMENT --

Gin-assign bilang bag-o nga commander sang Media and Civil Affairs Group sang Philippine Army si Major Cenon Pancito III.

Sa interview sang Bombo Radyo kay Pancito, nga amu ang anay tagpamaba sang 3rd Infantry Division, gin-assign ini sa civil relations service sang AFP nga nakabase sa Camp Aguinaldo.

Suno sa iya, sa karun indi lang isa ka rehiyon ang iya sakop kundi ang Philippine Navy, Philippine Army kag Philippine Airforce sa bilog nga pungsod.

Bangud diri, iya ini ginakabig nga pagpanghangkat apang kinahanglan sini nga magsunod bangud isa man ini nga kahigayunan nga makatungtong sila sa mas taas nga posisyon.

Plano ni Pancito nga mas pasanyugon ang koneksyon sa AFP kag sibilyan kun sa diin dapat nagakabatian kag nagakaintindihan sang mga sibilyan ang mga suldado.

-- ADVERTISEMENT --

Nagapasalamat man ini sa mga eksperyensya nga nagpreparar sa iya sa bag-o nga trabaho kag designation.