-- ADVERTISEMENT --

Nagpagwa sang executive order ang alkalde sang Don Salvador Benedicto nga nagadumili sa mga unvaccinated individuals nga magsulod sa tanan nga merkado sa banwa epektibo Enero 1, 2022.

Sa interview sang Bombo Radyo kay Mayor Laurence Marxlen Dela Cruz, ginpahayag sini nga naghimo siya sang executive order sang nagligad nga bulan kun sa diin ang mga vaccinated nga pumuluyo lamang, manugbaligya man ukon manugbakal, ang sarang nga makasulod sa mga merkado sa banwa.

photo from web

Suno kay Dela Cruz, antes makasulod, dapat ipakita ang vaccination card kag igapabilin man ang pagsuksok sang face mask kag mga handwashing areas.

Sa karun suno sa iya, zero case ang Don Salvador Benedicto apang nagpanugyan ini nga wala pa natapos ang pandemic gani dapat magpabilin nga mabinantayon sa sitwasyon ilabi na nga may yara pa sa karun sang Omicron variant sang COVID-19.

Suno diri, wala pa nagdangat sang 50 porsyento ang nabakunahan sa DSB apang nagapadayon man ang ila mga tikang agud mapataas ini.

-- ADVERTISEMENT --

Gindugang man sang alkalde nga indi lamang limited sa mga merkado ang pagpatuman sang no vaccine, no entry nga polisa bangud sarang man ini nga makahimo sang isa pa gid sang executive order para naman sa mga kalan-an kag restaurants.