Dugang nga 159 ka mga indibidwal sa ciudad sang Bacolod nga natapikan sang coronavirus ang nag-ayo na nagikan sa respiratory disease.

Kahapon, 64 ang nagdugang sa kaso sang COVID-19 sa ciudad sang Bacolod samtang 34 naman ang nagdugang sa probinsya sang Negros Occidental.

photo from DOH page

Santo sa Department of Health Region 6 COVID-19 case bulletin no. 178, nakarecord ang Western Visayas sang 210 ka dugang nga mga kaso nga ginalakipan sang 64 sa Bacolod City, 49 sa Iloilo City, tag-34 sa Negros Occidental kag Iloilo Province, 15 sa Aklan, siyam sa Capiz, tatlo sa Guimaras samtang duha naman ang sa Antique.

Sa 210 ka panibag-o nga kaso, 203 diri ang local cases, lima ang returning overseas Filiinos (ROF) samtang tig-isa naman ang locally stranded individuals (LSI) kag authorized person outside residence (APOR).

Sa karun, may ara na sang kabug-usan nga 9,577 ka mga kaso ang narecord sa Western Visayas nga may 3,766 ka mga aktibo nga kaso.

Samtang 5,657 naman ang mga nakarecover sa pagdugang sang 234 nga bag-o kag nagdangat naman sa 154 ang numero sang nagtaliwan sa pagdugang sang duha nga napatay.

Ang Bacolod City ang nakarecord sang 159 ka mga recoveries kag isa nga nagtaliwan samtang ang Negros Occidental naman ang nakarecord sang 29 nga recoveries kag isa ang nagtaliwan bangod sa virus.

Yara naman sa 69.09% ang asymptomatic sa kabug-usan nga kaso sang rehiyon.

Sa karun, ang kabug-usan nga kaso sa Bacolod ang nagdangat na sa 3,324 samtang ang kaso naman sa Negros Occidental ang nagdangat na sa 2,476.