CENTRAL MINDANAO- Nagpositibo ang isang babae sa Coronavirus Disease (Covid 19) sa probinsya ng Cotabato.

Ito mismo ang kinumpirma ni Inter-Agency Task Force on Covid 19 Manager Cotabato 2nd District Board Member Dr Philbert Malaluan.

Ang pasyente ay 29 anyos, may travel history sa Quezon City, Locally Stranded Individual (LSI) at residente ng Libungan North Cotabato.

Dumating ang biktima noong Hunyo 17 at agad nakitaan ng sintomas ng Covid kaya isinailalim sa PCR swab test.

Nagpositibo ang pasyente sa Covid 19 kaya agad itong inilipat sa Provincial Isolation Facility.

Dagdag ni BM Malaluan na asymptomatic at nasa maayos na kondisyon ang 29 anyos na LSI.

Matatandaan na ang unang limang nagpositibo sa Covid 19 sa probinsya ng Cotabato ay gumaling at nagnegatibo na sa nakakahawang sakit.

Agad inatasan ni Libungan Mayor Christopher “Amping”Cuan ang Municipal Health Office (MHO) na magsagawa ng contact tracing sa mga nakasalamuha ng biktima.