-- Advertisements --

Umakyat na sa 21,034,472 o 80.2% na estudyante ang nakapag-enrol para sa School Year 2021-2022 ayon sa Department of Education (DepEd).

Base sa latest data ng ahensiya, nasa 15,320,766 students ang nakapag-enrol sa public schools; 1,132,632 sa private schools; at 23,747 sa mga state universities ay colleges.

Nasa 4,557,327 students naman ang nakapag-enrol sa early registration.

Nananatiling nagmula sa Calabarzon na may 2,905, 646 enrollees ang may pinakamaraming bilang ng nakapag-enrol; Central Luzon, 2,167,516; National Capital Region na 1,993,601; at nasa 184,382 or 30.76% ang nakapag-enrol sa Alternative Learning System.

Napag-alaman na sa Setyembre 13, araw na ng Lunes ang simula ng klase sa bansa.

-- Advertisement --

Nauna nang umapela si DepEd Undersecretary Nepomuceno Malaluan sa mga estudyante at magulang na huwag nang hintayin ang huling araw ng enrollment.