Sec. Leila de LimaInihahambing ngayon ng panig ng depensa sa mga isinalang na testigo ng prosekusyon ang naging testimoniya ni Department of Justice (DoJ) Sec. Leila de Lima na malayo umano sa tinatalakay na Article 7 ng impeachment trial laban kay Chief Justice Renato Corona.

Binigyang diin ng depensa na walang kaugnayan sa paglilitis kay Corona ang naging pahayag ni De Lima kaugnay sa TRO ng SC para sa pagpapagamot sa ibang bansa ni dating Pangulong Gloria Macapagal-Arroyo at dating First Gentlemen Mike Arroyo.

Ayon kay dating Associate Justice Serafin Cuevas, ang mga pahayag ni De Lima ay pawang kritisismo sa naging desisyon ng Korte Suprema sa inilabas na TRO ng kataas-taasang hukuman.

Giit ni Cuevas, mistulang nagpapahiwatig ang mga pahayag ng kalihim na si Corona ay nararapat ma-impeach dahil sa umano'y pagiging mastermind nito sa pagpalabas ng TRO.

Samantala, naniniwala naman ang defense panel na mahina ang mga ebidensya at testigo ng prosekusyon sa Article 3 paragraph kayat sila na mismo umano ang nag-wave nito na wala ring kaugnayan sa usapin.