Miriam Defensor-SantiagoInamin ni Sen. Miriam Defensor-Santiago na hindi pa normal ang kanyang kalusugan kaya't madalas siyang napapaagang umalis ng impeachment proceedings para magpahinga.

Kinumpirma ng senadora na dahil sa chronic fatigue at "lazy bone marrow" na umano'y hindi sapat ang produksyon ng red blood cells ay kailangan niyang iwasan ang sobrang pagod.

"This is why I cannot stay long. This is why sometimes when I am speaking, I am out of breath. Not only am I hyperventilating, I have palpitations when I am in trial court," ayon kay Santiago.

Nabatid na bago ang proper trial ay pinaalalahanan na ni Santiago ang prosekusyon na mag-ingat sa mga ipinipresentang ebidensya at testigo sa korte dahil maaari silang maharap sa kaparusahan ng hukuman sa oras na may paglabag ito sa batas.

Sa harap ito ng nakabinbing isyu sa Impeachment Court kaugnay ng kwestyonableng dokumento ng prosekusyon na pinagbatayan ng subpoena para sa mga bank accounts ni Corona kung saan nakaladkad pa ang BSP at AMLC.