Pres. Benigno Aquino IIIWalang nakikitang masama si Pangulong Noynoy Aquino sa pagtanggap ng Pagcor officials ng iba’t ibang regalo at libreng hotel accommodation mula sa gambling tycoon na may kontrata sa bansa.

Una ng lumabas sa findings ng Federal Bureau of Investigation (FBI) na aabot sa $110,000 ang halaga ng regalo at cash payments na ipinamudmod ni Japanese gambling tycoon Kazuo Okada sa gaming regulators na kinabibilangan ng mga taga-Pagcor.

Kabilang umano sa perks ang libreng pa-dinner, Channel bags at hotel accommodation sa Wynn Macau.

Sinabi ngayon ni Presidential Spokesman Edwin Lacierda, nagpaliwanag na si Pagcor chairman Bong Naguiat, bagay na tinanggap naman ng chief executive.

Ayon kay Lacierda, walang masama rito dahil nakatitipid daw ang gobyerno at nakasanayan na ito sa gaming industry.

Inaasahan din umano na sa pagtanggap ng libreng accommodation, mapapalitan din ito ng pagsagot ng Pagcor sa gastusin ng mga bibisitang investors sa pasugalan.

“The President accepted the explanation,” ani Lacierda. “We’re coming from the perspective of cutting cost.”