NAIA tarmacNagkansela ng ilang domestic flights ang kompaniyang Cebu Pacific ngayong umaga, bunsod ng masamang lagay ng panahon.

Batay sa official Twitter account ng airline company, kabilang sa mga naapektuhang biyahe ay ang manggagaling ng Maynila patungong Cauayan at pabalik.

Samantala, muling nilinaw ng Pagasa na walang bagyo na umiiral sa loob ng Philippine area of responssibility sa ngayon.

Ayon kay weather forecaster Mario Palafox, ang buntot ng cold front ang siyang nagdudulot ng mga pag-ulan, partikular sa Northern at Central Luzon kasama na ang Metro Manila.

Pero asahan umano na bahagyang gaganda ang lagay ng panahon bukas.

Sa latest bulletin ng weather bureau, muling pinaalalahanan ng ahensiya ang mga apektadong lugar na mag-ingat sa mga posibleng landslides at flashfloods.

"The tail-end of a cold front will continue to bring mostly cloudy skies with scattered rainshowers and thunderstorms in Northern and Central Luzon becoming cloudy with widespread rains over its eastern sections. Residents living in low lying areas and along mountain slopes are advised to be on alert for possible occurrence of flashfloods and landslides," ayon sa Weather Advisory No. 11 ng Pagasa.