Eastern Samar(Update) Muling niyanig ng malakas na 5.0 na lindol ang lalawigan ng Eastern Samar, ngayong umaga.

Sa datus mula sa Philippine Institute of Volcanology and Seismology (Phivolcs), naitala ang sentro ng pagyanig may 62 kilometro sa silangan ng San Policarpio, Eastern Samar.

Naitala ang lindol kaninang alas-3:29 ng umaga at sinasbaing tectonic ang pinagmulan nito.

Kagabi, naramdaman din ang magnitude 6.0 na lindol sa hilaga ng Guiuan, Eastern Samar

May lalim umano ang pagyanig na 60.2 kilometro o 37.4 milya.

Samantala, pinawi ng Phivolcs ang pangamba ng publiko hinggil sa kumakalat na mga text messages kaugnay sa sinasabing pagtama ng "magnitude 12" na lindol sa bansa.

Ayon kay Philvolc Dir. Renato Solidum, wala umanong basehan ang nasabing balita at hindi dapat paniwalaan.

Paliwanag ng opisyal, walang makapagbibigay ng eksaktong oras ng pagtama ng lindol at paunang-sukat ng epekto nito.