Rep. Iggy ArroyoKinumpirma ni dating First Gentleman Mike Arroyo na ang anak sa unang asawa ng kapatid na si Negros Occidental Rep. Ignacio "Iggy" Arroyo ang mag-uuwi sa labi ng namayapang kongresista mula sa London.

Bagama't tumangging magkomento sa sinasabing hidwaan sa pagitan ng kinikilalang legal wife ni Iggy na si Aleli Arroyo at kinakasamang si Grace Ibuna, pero inihayag ni Mike Arroyo na mayroon ng arrangement para sa pag-uwi sa bansa ng labi ng kapatid.

Ayon sa dating unang ginoo, si Bianca umano ang mag-uuwi sa labi ng kaniyang ama.

Si Bianca ay anak ni Rep. Iggy sa unang asawa na si Marilyn Jacinto.

"It is Bianca who will bring her father's body here in a day or two," ayon sa dating unang ginoo sa isang panayam.

Kahapon, inihayag ng abogado ni Aleli na si Atty. Lorna Kapunan na "all-set" na sana ang kanilang pagkuha sa bangkay ni Rep. Arroyo pero bigla silang pinigilan ng abugado ng punerarya sa London.

Ayon kay Kapunan, ipinaliwanag umano ng abugado ng punerarya na may instruksyon si Grace Ibuna na ipa-cremate ang labi ni Rep. Arroyo sa London.