P-NoyHindi na umano muling pagagamit sa katiwalian ang Development Bank of the Philippines (DBP).

Pahayag ito ng Pangulong Noynoy Aquino kasabay ng pagdiriwang ng ika-65 taong anibersaryo ng DBP sa kanilang punong tanggapan sa Makati City.

Sinabi ngayon ng Pangulo, unti-unti nang binabawi ng DBP ang nawala nitong karangalan sa nakalipas na isang dekada matapos pagpiyestahan ng mga opisyal na walang ginawa kundi magpayaman.

Ayon sa Pangulo, balik na ang DBP ngayon sa tunay nitong layuning magbigay ng tulong pinansyal para sa pag-angat mula sa kahirapan at sama-samang pag-unlad ng mga mamamayan.

Partikular na kinilala ng Pangulo ang P4.2 billion net income ng DBP sa nakaraang taon, mas mataas ng walong porsyento sa P3.73 billion percent target.

“Today, on the beginning of its sixty-fifth year, the DBP has begun to close the door on that lost decade. It has begun to reclaim its honor by holding accountable those
who abused the institution. More importantly, after nineteen months, the straight and narrow path has led the DBP back to its true purpose: financial support in line
with the agenda of development, poverty reduction, and inclusive growth,” ani Pangulong Aquino.

Kasabay nito, binalaan ng Pangulo ang mga opisyal na ayaw pa ring makiayon sa kanyang isinusulong na tuwid na daan.

Huwag daw siyang subukan dahil may limitasyon umano ang kanyang pasensya lalo sa mga haharang sa kanyang ipinatutupad na reporma.

Sa susunod umanong taon, mas maigting pa ang gagawing kampanya para parusahan ang mga nagkasala sa taong-bayan.

“And to the dregs of the old system who might still be holding on to their ways, despite my express, direct order to tread the straight path: Do not test me. I can be a patient man, but my patience has its limits -- especially for those who stand as obstacles to reform,” dagdag ng Pangulo. ”Keep this in mind especially for the next year, which will be more challenging and more important. We will be continuing our pursuit, conviction, and punishment of those who have done wrong.”