Tiniyak ngayon ng Malacañang na walang dapat ikabahala sa panibagong travel warning na inilabas ng United Kingdom laban sa Pilipinas.

Una nang naglabas ng babala sa kanilang mamamayan ang Australia at U.S. na iwasan ang pagbibiyahe sa Pilipinas lalo sa bahagi ng Mindanao.

Sa UK travel warning, partikular nitong ibinabala ang kidnapping at pag-atake ng mga terorista.

Ang nasabing babala ay kasunod lamang ng pagkakadukot sa dalawang European nationals sa Tawi-Tawi City.

Sinabi ngayon ni Deputy Presidential Spokesperson Abigail Valte, normal lamang ang ganitong uri ng babala para sa kaligtasan ng kanilang mga mamamayan.

Ayon kay Valte, UK ang pangunahing pinanggagalingan ng turista mula sa Europa at tiwala silang hindi ito magbabago sa kabila ng travel advisory.

"The UK travel advisory is meant as an advice to its own citizens here. The UK is our main source of tourists from Europe, and we continue to have a positive outloook on the tourism flow from here," ani Valte.