cold wave inEuropeKIEV - Pumalo na sa 163 ang bilang ng mga namatay sa nararanasang cold wave sa Europe.

Sa Ukraine, libu-libo ang nagkukulong sa kani-kanilang tahanan dahil sa sobrang lamig habang maraming palaboy ang nasawi dahil sa hypothermia o matinding ginaw.

Siyam sa mga nasawi ay mula sa Poland kung saan bumagsak ang temperatura sa -32 degrees.

Nananatiling sarado ang mga paaralan sa Romania na nakapagtala ng 22 kataong patay habang 10 naman sa Bulgaria.

Isang sanggol at 76-anyos naman ang nasawi sa mga rehiyon sa Italy.

Sa France, 41 rehiyon ang nagtaas ng alerto sa matinding lamig ng panahon habang sa Paris ay daan-daang gusali ang ginawang evacuation centers ng mga homeless people.

Nasa 11,500 pa ang mga na-trap na naninirahan sa kabundukan sa Austria habang 600 pasahero ang stranded sa mga lansangan dahil nanigas na ang mga brake ng sasakyan at maging ang eletrical cables.

Habang sa kabisera na Kiev ay nasgimula ng maranasan ang kakulangan sa pagkain.

Sa ngayon ay nagpaabot na ng tulong ang International Federation of Red Cross at Red Crescent Societies sa pamamagitan ng pagpapadala ng mga pagkain, damit at kumot.

Naglabas din ng 100,000 euros ($140,000) ang organisasyon mula sa kanilang Disaster Relief Emergency Fund. (BBC)