snowstorm in JapanTOKYO - Nagsimula nang manalasa ang matinding pagyeyelo sa western coast ng bansang Japan na nagdulot na sa pagkasawi ng 50 katao at ikinasugat naman ng umaabot sa 600 katao.

Batay sa impormasyon, ito na ang pinakamalalang snowstorm sa Japan kung saan 10 talampakan ng yelo ang bumabagsak.

Isinara rin ang mga paaralan sa rehiyon at maging ang isang steel bridge ay nasira.

Tatlong kababaihan naman ang na-rescue habang nasa hot springs sa Akita Prefecture sa northwest Japan kung saan isang oras umanong natabunan ng avalanche o pagguho ng yelo ang mga ito.

Ayon sa mga opisyal sa Niigata Prefecture, 30 lungsod ang kinapos na sa pondo para sana sa cleanup efforts sa mga lansangan.

Dahil dito, dismayado ang mga residente sa lugar dahil sa mabagal na aksyon daw ng kanilang gobyerno.

Nagbabala ang Japan Meteorological Agency ng mas marami pang snowfall sa loob ng 24 oras. (ABC)