Mayweather and CottoLAS VEGAS - Malabo na talagang matuloy ang hiling ng lahat na paghaharap nina WBO welterweight champion Manny Pacquiao at Floyd Mayweather Jr.

Ito ay matapos na kumpirmahin mismo ni Mayweather sa isinagawang hearing para sa kaniyang aplikasyon ng boxing license sa Nevada State na may napili na siyang magiging kalaban para sa May 5 fight.

Si WBA super welterweight champion Jose Miguel Cotto ang makakaharap ni Floyd para sa catchweight na 154 pounds.

Kung maalala, pinabagsak ni Pacquiao si Cotto sa kanilang bakbakan noong 2009.

“It will be a challenge for me to compete with him at this weight, but this is the type of test I thrive on and gives me the motivation to train even harder. I have no doubt in my mind that my title belt collection will increase once again and Cotto’s reign as champion will come to an end on May 5,” pahayag ni Mayweather.

Hindi pa man sila nagkikita sa boxing ring, nagpahayag na ng kompiyansa si Cotto na tatalunin niya ang undefeated American boxer.

“I am here to fight the biggest names in boxing. I’ve never ducked anyone or any challenge in front of me. I have accepted everything to give the fans what they like…great and exciting fights. That is what the sport of boxing is all about; making the fights that the fans want and deserve to see. On May 5, stay tuned, because I will convincingly beat Floyd Mayweather,” ani Cotto.

Matatandaan na nitong mga nakalipas na araw ay personal na nagkausap sa telepono sina Pacquiao at Floyd para ayusin ang kanilang mega fight, ngunit hindi nagkasundo sa pusta.

Gusto ni Pacman ang 50-50 percent na hatian, samantalang 70-30 sa panig ng dating pound-for-pound king.

Matapos ang laban ni Mayweather sa Mayo, sisimulan na niyang bunuin ang tatlong buwang pagkakakulong dahil sa kasong pananakit sa dating kasintahang si Jossie Harris.

Gagawin ang Cotto versus Mayweather fight sa MGM Grand Garden Arena, Las Vegas, Nevada. (boxingscene)