8.30 a.m. London time
- Magsisimulang magdatingan sa Westminster Abbey ang 1,900 na mga imbitadong guests.

10 a.m. London time
- Tutungo ng Abbey ang mga VIP guests kung saan pinakahuling darating sina Queen Elizabeth at Prince Phillip bandang 10:40 ng umaga.

10:50 a.m. London time
- Aalis na sina Kate Middleton at ama nitong si Mike sa Buckingham Palace. Sakay ng Rolce Royce, tutungo sila sa Westminster Abbey kung saan dadaanan nila ang The Mall, Clarence House, Whitehall at Parliament Square. Simula noong 1963, ito ang kauna-unahang pagkakataon na ang royal bride ay dumating sa simbahan hindi sakay ng horse-drawn carriage.

11 a.m. London time
- Sisimulan na ang seremonya ng kasal nina Prince William at Kate. Ang Dean ng Westminster ang magsasagawa ng service ngunit ang totoong magkakasal sa dalawas ay si Rowan Douglas Williams, ang archbishop ng Canterbury.

12.15 p.m. London time
- Tapos na ang seremonya at sina Prince William at Princess Catherine na kasal na ay babalik sa Buckingham sa isang procession sakay ng horse-drawn carriage at masisilayan ang bagong royal couple, ng mga well-wishers.

12.30 p.m. London time
- Nasa Buckingham na sina William at Kate at sasalubungin sila ni Queen Elizabeth at susunod na ang reception.

1.25 p.m. London time
- Lalabas ang bagong mag-asawa kasama ang kanilang pamilya sa balcony ng Buckingham. Inaasahan na sa harap ng libu-libong katao, maghahalikan ang dalawa.

1.30 p.m. London time
- Sasaksihan ng royal couple ang flypast bago bumalik sa reception. Ang flypast ay ceremonial at honorific na pagpapalipad ng eroplano ng Royal Air Force na madalas ginagawa sa mga royal events.

7 p.m. London time
- Isang private dinner and dance ang gaganapin sa Buckingham na dadaluhan ng mga kaibigan at pamilya ng mag-asawa. Ang naturang event ay ibibigay ni Prince Charles sa kaniyang anak at manugang.