Scholarship program ti probinsia para kadagiti TechVoc, maiprosproseso

LAOAG CITY – Manarimaan ti panangiproseso ti provincial education office iti benepisio a para kadagiti iskolar ti tech voc. scholarship program ti probinsia.

Segun ken ni Mrs. Matilde Nery, mangidadaulo ti nadakamat a pangopisinaan, kaap-aprobar ti scholarship program para iti maikadua a semestre.

Inbunannag na nga ikagumaanan da a maiyawat ti stipend dagiti nadakamat nga iskolar iti kabiitan a panawen.

Inlawlawagna a nagtalinaed a kabinbinnulig ti probinsia iti nasao a programa dagiti pito nga eskuela nga “accredited” ti Technical Education and Skills Development Authority wenno TESDA.

Innayonna a karaman ditoy ti Marcos Agro Industrial School, Bangui Institute of Technology, Igama Colleges Foundation Inc., AIE College Laoag ken Data Com.