You are here: HomeRegional NewsOther Dialect

KALIBO, AKLAN ---Nasapwan nga sa state of decomposition eon ro bangkay it sangka eaeaki sa anang boarding house sa Brgy. Balabag, Boracay.
Nakilaea ro nasambitan nga bangkay kay John Rammy Eugenio, 22-anyos, tumandok it Brgy. Duyong, Pandan, Antique ag nagatrabaho sa sangka spa sa isla.
Nagtawag ag nagreport sa Boracay Tourist Assistance Center (BTAC) si John Joseph Domingo matapos raya nga makahugom it mabaho.
Nangawa man sigon imaw nga may nagahalin nga nagatueo nga tubi sa sangka kwarto sa andang boarding house.
Bangud sa bukas man ro poetahan it nasambitan nga kwarto hay nagsueod sigon si Domingo ang eubos nga nga ikinakibot ro gina-ueod eon nga eawas ni Eugenio.
Nasayuran nga naga isaeahanon eamang ro nasambitan nga biktima.
Base sa inisyal nga imbestigasyon it mga otoridad, cardiac arrest ukon inatake sa puso ro nangin rason it kamatayon it biktima.
Ginatantiya nga kapin sa 3-4 days eon sigon ro nakit-an nga bangkay nga sa state of decomposistion.
Samtang, padayun pa sa makaron ro imbestigasyon it mga SOCO-Boracay ag katapo it mga kapulisan sa nasambitan mga insidente.

Patay nga pawikan, pinagkaguluhan

Friday, 23 December 2016 19:15

KALIBO, AKLAN --- Nasapwang patay ag naga eutaw-eutaw sa baybayon ro sangka pawikan sa Brgy. Tambak, New Washington, Aklan.

Haeos naagnas eon ro pilang parte it pawikan kamana man nga naga hugom eon.

Gina sugid nga nakaangkon it nina sa kilid ro pawikan nga matsa inigu it pana.

Insigidang gin impormahan ro mga barangay official sa New Washington PNP ag Municipal Agriculture Office (MAO) sa insidente.

Gina boebanta nga may kabug-aton ro pawikan it 25 hasta it 30 kilos.

Insigida man nga gin eubong ro pawikan sa kilid it baybayon agud indi makahalit sa ikamayad nga eawas sa mga residente it nasambitang lugar.

Suno kay agriculturist Roger Dela Cruz ng MAO-New Washington nga sa listahan it endangered species ro nasapwang pawikan rason nga importante ro kooperasyon it mga residente ag mangingisda agud maamligan ro mga raya.

KALIBO, AKLAN --- Pitong medalya ro nasungkit it sangka12-anyos nga Aklanon swimmer sa katatapos nga 2016 Hamilton Aquatic Winter Long Course Swimming Championship sa Dubai, United Arab Emirates.

Gin kilaeang Most Outstanding Swimmer si Kyla Soguilon it Kalibo, Aklan, sa 12-and-under division it nasambitang kompetisyon ag nanguna sa gihapon sa 12-and-over 100 meter freestyle event sa oras nga 1:05.37.

Nakabo-oe si Soguilon it sambilog nga gold, limang silver ag sambilog nga bronze medal.

Nataw-an man raya it kahigayunan nga makita ag makipag-selfie sa Olympic Gold Medalist nga si Adam Peaty.

 

KALIBO, AKLAN --- Patay ro sangka padre de pamilya samtang naninahan ro misis kara matapos makuryente sa Brgy. Arcanghel, Balete, Aklan.

Ro biktimang gin deklarang patay sa Aklan Provincial Hospital hay gin kilaeang si Rafael Lumio, 71, samtang ro asawa karang naninahan hay si Marissa Lumio, 54, parehong residente it nasambitang lugar.

Base sa report, gina limpiyuhan sigon it biktima ro mga sanga ag puno it gin bo-oe nga saging apang, aksidente karang nabuytan ro sangka kawad it kuryente.

Kat makita it anang misis hay insigida karang gin buligan ro anang mister apang, pati imaw hay nakuryente apang, maswerteng nakabuhi ag nakapangayo it bulig.

KALIBO, AKLAN – Naga pabilin nga positibo ro Department of Tourism (DOT) Boracay nga maabot ro 1.7 million tourist arrivals para sa makaron nga dag-on.
Suno kay DOT-Boracay Officer-In-Charge Kris Velete, nga base sa statistics it Municipal Tourism Office it Malay, 40,000 eon lang ro kueang ag maabot eon ro target.
Sa makaron sigon hay naga abot sa 4,000 ro daily average it tourist arrivals ag gina eauman nga maga doble samtang naga hilapit ro Paskwa ag bag-ong dag-on.
Mabahoe man ro chansa suno kay Velete nga eumagpas sa 1.7 million ro mga turista nga magabisita sa isla it Boracay.
Nasayuran nga dagsa eonman ro mga Russian tourists ag iba pang European tourists sa isla kasunod it winter season sa andang mga nasyon.
Naga pabilin sigon nga may mga sorpresa nga aktibidades para sa mga bisita nga dag-unan nga gina patigayun sa pagsugaeaw sa Paskwa ag bag-ong dag-un.
Samtang, gin pasiguro ni Velete nga maga padayun ro andang hugot nga kampanya para sa promotion sa marketing it isla it Boracay sa masunod nga dag-on kamana man nga magiging masako sigon ro isla sa pagtratar it mga nakalinyadang international events nga pagahiwaton sa Boracay.

KALIIBO, AKLAN --- Nagtuga it kahadlok ag panic sa pilang mga pasahero ro pagkaeayo it battery compartment it sangka RoRo bus sa Poblacion Makato.

Suno kay Fire Inspector Joseph Cadag it Bureau of Fire Protection ukon BFP Numancia nga matapos nga mag-abot ro andang mga bumbero hay haeos natapna eon it driver ag konduktor ro kaeayo gamit ro fire extinguisher rason nga nagpatigayon eon lang sanda it imbestigasyon para sa nagakaigo nga documentation.

Ginpahayag it driver nga si Anthony Lelis nga samtang nagapaliko sa may eskwelahan hay nataeupangdan nana nga naga-asu ro likod nga parte it bus rason nga kalmado nanda nga gin-impormahan it anang konduktor ro mga pasahero nga magpanaog sa bus.

Sa mayad nga swerte hay owa it naninahan sa insidente.

Apang may pilang pasahero ro nag-panic.

May pilang bagahe sigon ro sangkiri nga nasunog.

Matapos nga maproseso ro mga kinahangeanon nga imbestigasyon, insigida nga nagbiyahe paagto sa Iloilo nga direksyon ro bus.

Ginapatihan nga bangud sa problema sa electrical connection rason nga nagtuhaw ro insidente.

Ro bus nga halin sa Metro Manila hay may sakay nga 42 nga pasahero eakip ro driver ag konduktor ag paagto kunta sa Iloilo.

Kapin sa 3,000 pesos ro kahalitan nga gindeklara sa insidente.

Bus vs. motor, security guard patay

Tuesday, 20 December 2016 09:21

KALIBO, AKLAN --- Dead-on-arrival ro sangka security guard matapos nga nagbueongguan ro sangka tourist bus ag motorsiklo sa bahin it Rustico Quimpo Avenue, sa banwa it Kalibo.
Gindeklara nga patay sa Dr. Rafael S. Tumbokon Memorial Hospital ro biktima nga ginkilaea kay Erwin Dolloso, residente it barangay Culong-culong, Ibajay, Aklan.
Ginasugid nga naga paadto sa banwa it New Washington ro motorsiklo nga ginamaneho it biktima samtang nagapaliko man rong nasambitan nga bus maghalin sa Kalibo International Airport.
Insigida man nga gindaea sa provincial hospital ro biktima apang gindeklara nga dead-on-arrival.
Gilayon man nga nagsurender rong bus driver nga ginkilaea kay Jhon Prado, residente it Poblacion, Malay, Aklan. 
Samtang temporaryong nakadetine sa makaron ro nasambitan nga bus driver sa lock up cell it Kalibo Municipal Police Station para sa nagakaigo nga disposisyon.

KALIBO, AKLAN --- Patuloy na inoobserbahan sa Aklan Provincial Hospital ang isang 35-anyos na mister matapos na saksakin ang sarili ng halos sampung beses bago ito tumalon sa tulay.

 

Sinasabing nagkaroon ng nervous breakdown ang biktimang si Ramuel Tupaz, isang laborer at residente ng Brgy. Regador, Ibajay, Aklan matapos na iniwan ng kanyang kinakasama dala ang kanilang dalawang anak.

 

Nauna dito, nagsaksak sa sarili ang biktima at napuruhan ang kanyang tiyan dahilan na kagaad na isinugod sa ospital.

 

Subalit, nakatakas ito nang hindi namalayan ng mga naka-duty na security guard at tumakbo papuntang Kalibo-Numancia Bridge na nakasuot lamang ng diaper.

 

Habang isinasagawa ang negosasyon ng mga rescue team, tumalon ito sa tulay nang makita ang kanyang kapatid.

 

Sa mabuting palad ay mabilis itong nasagip ng mga nakabantay na rescuers sa ilog.

 

Ayon sa kanyang kapatid na si Rommel Tupaz, simula nang iniwan ng kanyang live-in partner ang biktima ay hindi na ito masyadong nakakatulog at palaging nagpapalipas ng gutom.

 

Na-depress umano ito nang hindi napunta sa kanya ang kustodiya ng kanilang anak.

 

Muling ibinalik sa isolation ward ng ospital ang biktima na kasalukuyang nagpapagaling pa.

 

Sa exclusive interview ng Bombo Radyo, inamin ni Ramuel na gumamit siya ng shabu habang nagtatrabaho sa isang farm sa Zambales.

 

Samantala, maraming motorista ang nag-alburuto matapos na nagdulot ng pagsikip ng trapiko ang naturang insidente.

 

KALIBO, AKLAN --- Emosyunal nga gin salaysay it sangka overseas Filipino worker ro suno kana hay buko it makatawong pagtrato kana it anang employer nga babaye samtang nagatrabaho bilang domestic helper sa Saudi Arabia.

Si Analyn Tubang-Sy, residente it Brgy. Calangcang, Makato, Aklan hay naka-uli eon sa Aklan matapos nga magpangayu it bulig ro pamilya kara sa Bombo Radyo Kalibo bangud sa pagpang-abuso it anang amo.

Ayon kay Analyn nga haeos daywang buean imaw nga nagpabilin sa sangka ospital sa Saudi Arabia matapos nga makapilang beses bunaean it matig-a nga bagay ro anang ueo.

Ro anang bungo hay gin bayluhan it titanium matapos nga mabasag.

Gin pasaeamatan man it OFW ro gina kabig kara nga pangaywang kabuhi ag sangka manaming regalo sigon makaron nga Paskwa ro naging bulig kana it Bombo Radyo Kalibo nga nakauli imaw sa nasyun.  

KALIBO, AKLAN --- Sangka embalsamador ag sangka photographer ro inaresto it mga otoridad sa magkaseparar nga buy bust operations sa isla it Boracay.

Presenteng nakakulong ro mga suspects nga sanday Michael Capangpangan, 34, sangka photographer ag residente it Sitio Ambulong, Brgy. Manoc-Manoc, Boracay kamana man si Jesus Tayco, 47, sangka embalsamador, it Cubay Norte, Malay, Aklan.

Nabo-oe kay Capangpangan ro tatlong sachet it gina dudahang shabu ag P1,000 nga buy bust money samtang narekober man sa posesyon ag kontrol ni Tayco ro dalawang sachet it shabu ag P1,000 nga marked money.

Ro daywa hay naga pangatubang sa kasong pag eabag sa RA 9165 ukon Comprehensive Dangerous Drugs Act of 2002.

Contact Us

  • Address: 2406 Nobel corner Edison Streets, Makati City Philippines
  • Tel: +(632) 843 0116
  • Fax: +(632) 843 0116
  • Email: This email address is being protected from spambots. You need JavaScript enabled to view it.