You are here: HomeRegional NewsCebuanoCity government bout hinlo-an ang mga drainage batok baha

City government bout hinlo-an ang mga drainage batok baha

By  Posted in Cebuano Wednesday, 24 July 2013 18:25

DAVAO CITY - Gitinguha ni retired Col. Yosof Jimlani, Chief sa Drainage Maintenance Unit nga subling mahinlo-an ang dakung kanal nga kanhing nahimutangan sa Nograles Park gumikan sa nagbara nga mga basura nga gikan sa mga gilabay nga mga selopen ug mga lapok.

 

Kini ang nahimnong hinongdan nga matag panahon sa tingulan dali gilayon nga mobaha sa dapit.

 

Una nang gi-du-aw ni Mayor Rodrigo Duterte ang nahisgutan nga dapit ug gitahasan si Jimlani sa pagpahibalik sa kahinlo sa canal sa Barangay 23-C, Mini Forest Boulevard.

 

Gimando sa mayor nga sulod sa 72 oras kahatagan ug sulbad ang suliran sa drainage sa lugar.

 

Bout ni Mayor Duterte nga gikan sa nahisgutan ng dapit makita na ang dagat aron nga lahos-lahos na ang dagayday sa tubig.

 

Aron sa pagpalig-on sa lakang sa kagamhanan mangayo ug pundo si Duterte pinaagi kang 3rd District Congressman Isidro Sed Ungab nga mao na ang Chairman sa Appropriation Committee sa kongreso.

 

Samtang sumala pa kang Col. Yusof Jimlani nga magproblema gayud sila niini labi na nga dunay mga nakababag nga mga balay ug establisamento sa nahisgutan nga kanal ug nahimong babag nga dili makatarong ug agi ang tubig panahon nga mobunok ang ulan.

 

Setenta y uno ka mga pamilya ang nanimuyo isip illegal settler sa lugar ug baynte nueve pa lamang kanila ang na-hatagan ug relocation site.

 

Apan wala mahinayon gumikan sa kasong gihapak batok kanila gumikan sa pangbongkag sa Nograles Park.

 

Mas midako ang ilang problema karon gumikan kay mas midaghan ang ihap sa mga illegal settlers, apan pursegido si Jimlani nga pulpogon ang mga istraktura sa dapit.

Read 234 times

Contact Us

  • Address: 2406 Nobel corner Edison Streets, Makati City Philippines
  • Tel: +(632) 843 0116
  • Fax: +(632) 843 0116
  • Email:  This email address is being protected from spambots. You need JavaScript enabled to view it.