Panukalang magpapalakas sa political party sa Ph, ikinakabahala ng ilang kongresista

Nangangamba umano si Bayan Muna party-list Rep. Carlos Isagani Zarate sa ilang mga nilalamang probisyon ng panukalang batas na naglalayong magpalakas sa mga political party sa Pilipinas.

Ayon kay Zarate, naglalaman kasi ang panukalang ito ng probisyon na nagbibigay ng malaking pondo sa mga kilalang partido at lalong magiging marginalized lamang ang mga maliliit na grupo.

Iginiit ni Zarate na pera o buwis ng taongbayan ang gagamitin para pondohan ang mga partido, sa halip na ilaan ito para sa mga proyekto.

Ikinukubli lamang aniya ito sa simula dahil ipinapangako ng panukalang ito ang paglilipat ng partido, ang pagkakaroon ng transparency at pagbibigay ng pagkakataon sa mga political party.