Pacquiao vs Matthysse fight, malisod i-predict – segon sa boxing analyst

GENERAL SANTOS CITY – Malisod i-predict ang mamahimong resulta sa away nilang Sen. Manny Pacquiao ug Lucas Matthysse karong adlaw’ng Dominggo.

Kini ang gibutyag sa Bombo Radyo ni Arnel Antiporda, usa ka boxing analyst.

Sumala pa nga kini gumikan dili usab basta-basta ang kaatbang sa fighting senador, nga gawas nga medyo bata pa, lig-on ug may dili basta-basta usab nga record, nga usa ka knockout artist.

Hinungdan nga posible matud pang maglisod usab si Pacquiao nga i-knockout ang kalaban, luyo nga nagpabilin ang power, speed ug strength niini. Hinuon, kung basehan gihapon ang record, kahibaluan nga liyamado ang Pinoy ring icon.

Apan kon mudaog man gayud si Manny, posibleng muabot gayud sa 12 rounds ang away.

Gumikan niini, nanawagan si Antiporda ug pag-ampo alang sa umaabot nga away sa gikonsiderang People’s Champ, aron magmalampuson kini, hilabi na nga medyo bilang na gayud ang mga nahibiling away niini sa iyang boxing career.