Online bugaw, gitutukan karon sa PNP 12 Cybercrime Group

GENERAL SANTOS CITY – Nagbalik sa Rehiyon 12 si PCI Leo Dofiles ang OIC sa PNP 12 Cybercrime Group.

Matud pa ni Dofiles nga 18 ka bulan siya nga na-assign sa Cebu og karon nagbalik sa iyang lugar.

Gikadugang pa niini nga ang mas dagko og daghang kaso ang ilang gitutukan sa Cebu inay sa Rehiyon 12.

Kini gumikan mas daghang popolasyon og dako nga lugar itandi sa Region 12.

Gibutyag pa niini nga sa Bombo Radyo siya ulahi nagpainterview sa dihang mihawa sa rehiyon 12 apan ang Bombo Radyo gihapon ang unang nakainterview kaniya sa pagbalik sa atong lugar.

Ang dako nga kaso nga gibilin kaniya nga hugot nga gitutukan ang nahitabo online bugaw sa mga bata nga nagpabilin pa sa prisohan ang responsable.

Ang online bugaw ang adunay kaugalingong account sa social media og didto gitanyag ang ilang ibaligya nga mga babaye o bata sa internet.

Ang atubangon sa mga responsable sa online bugaw kung minor de edad ang mga biktima, child abuse, trafficking in person.

Ang trafficking in person kung menor de edad ang mga biktima ang walay pyansa nga gihatag ang korte.