Top Stories

Nilinaw ngayon ng Malacañang na matagal ng naka-schedule ang pakikipagpulong ni Pangulong Noynoy Aquino sa liderato ng Iglesia Ni Cristo (INC) kaninang umaga.

Sinabi ngayon nina Presidential Spokesman Edwin Lacierda, noon pang semana santa itinakda pero ngayon lamang nagkatugma ang schedule nina P-Noy at Ka Eduardo.

Ayon kay Lacierda, kabilang sa pinag-usapan ang mainit na isyu sa impeachment trial laban kay Supreme Court (SC) Chief Justice Renato Corona.

Ipinaliwanag umano ng Pangulo ang kanyang dahilan kung bakit suportado nito ang pagpapatalsik kay Corona sa puwesto.

Pero nilinaw din ni Lacierda na walang kinalaman ang meeting sa napabalitang pagla-lobby ng INC para ma-acquit ang punong mahistrado.

Inihayag naman ni Lacierda na masaya at okay ang Pangulong Aquino pagkatapos ng meeting sa central office ng INC sa Quezon City.

“We confirm the meeting of President Aquino with Ka Eduardo this morning. Yes, the impeachment was discussed wherein the President explained why he supported the impeachment case against Corona,” ani Lacierda.