ILOILO CITY – Kinoronahan bilang Miss SCUAA National 2012 ang kandidata ng Region 7 habang Mr. SCUAA naman ang kinatawan ng Region 3.

Nangibabaw ang kagandahan ni Chantely Kae Gonzales ng Region 7 mula sa 12 mga kandidata dahilan upang masungkit nito ang korona.

First runner-up naman si Marie Antoinette Barrera ng Region 9, 2nd runner-up si Mary Jane Verdillo ng Region 2, 3rd runner-up si Tresha Marie Dadea ng National Capital Region (NCR) at 4th runner-up si Ariane Gabriela ng Region 6 na napili rin sa best in interview.

Idineklara naman bilang Mr. SCUAA National 2012 mula sa 11 na iba pang kalahok si Darylle Francis Salvador ng Region 3.

First runner-up si Eigiee Edison Magdangal ng NCR, 2nd runner-up si Ronel Kaye Juperatum ng Region 6, 3rd runner-up si John Alexander Russel ng Region 4 at 4th runner-up si Mark Al-jaime Muttulani ng Region 12.

Ang Mr. and Ms. SCUAA National 2012 ay kabilang sa mga aktibidad sa nagpapatuloy na 2012 State Colleges and Universities Athletic Association (SCUAA) National Olympics sa Iloilo City.

Sa ngayon ay nangunguna pa rin ang NCR sa medal standing na mayroon ng 37 gold, 18 silver at 20 bronze Pumapangalawa ang Western Visayas na may 16 gold, 13 silver at 10 bronze; pumapangatlo ang Region 4 na may 9 gold, 7 silver at 21 bronze; pang-apat ang Region 3 na may 8 gold, 8 silver at 9 bronze; panglima ang Region 10 na may 3 gold; pang-anim ang Caraga na may 2 gold at 11 silver; pangpito ang Region 5 na may 2 gold, 3 silver at 6 bronze habang ang Region 1, Region 2 at Region 7 ay pawang nakakuha ng tig-iisang gold medal.